Full tenning - Magne-Kjell si VW Boble

Magne-Kjell Wingsternes (46) frå Hareid eig ei VW Boble, frå 1964, som har vore i familien gjennom fleire generasjonar - Frå bestefaren til tanta som vann bilen i Ålesund til Magne-Kjell som tok over bilen etter tanta si. Interessa for bil starta tidleg, men betydninga av hobbyen vart sterkare etter han fekk påvist ein stor svulst på hjernen i 2014. Denne fekk han operert vekk fort, med nokre strålebehandlingar i etterkant. Bil-hobbyen er til stor hjelp på tankane rundt eigne problem. - Bil har betydd meir for meg etter eg vart sjuk, for når eg held på med bil så tenkjer eg ikkje på noko anna.